حلم حياتي . بقلم مصطفى هاشم

حلم حياتي .. قصيدة ساخرة
بقلم .. مصطفى هاشم

.........................................................

حلم حياتي أن أبقى رئيس
وأحكم وأنهي براحتي وأهيص

واركب طيارة وألف العالم
من أمريكا لبرج باريس

وكل يوم أتجوز واحده
أجمل من سهير القيس

وكل الشعب يهني يغني
كل عشيه رئيسنا عريس

وكل القنوات تعرض صوري
مرة ببدلة ومرة قميــــــص

واما أتكلم تسمعوا خطبي
اصله كلامي كلام تسييس

هكدب على مسامعكم وفشر
ووعدكم بوعود و مافيش .؟

وأنا وكلابي هناكل الدولة
بحجة قوانين التخصيص

أصله شعبنا طيب جداً
وبيعشق كلمة تأسيس

قضى حياته يقرى جرايــد
ويصدق خطب الكواليس

وبيفرح بزيـــــادة مرتب
ميكفيش عييل في باريس

وأنا حلم حياتي إن أبقى رئيس
غـيــــر اللي وصفته وهيهيص

أبقى رئيس بيخاف على شعبه
من عبارة اكسبريس

من لقمه يأكلها بالرشوة
من ليلة يبات فيها تعيس

أبقى رئيس أزاي وأتحمل
دعوة أم تقول ده خسيس

حلم حياتي بجد يا عالم
أبقى مواطن عنده رئيس

....................

» أمل . بقلم مصطفى هاشم
» بس ليه . بقلم مصطفى هاشم
» أنا مش جبان . بقلم مصطفى هاشم
» مش هو ده نيلك . بقلم مصطفى هاشم
» قنا هي الاساس - بقلم مصطفى هاشم