مساجلة شعرية بين الشاعر مصطفى هاشم والقاصة الأديبة أمل الشريف

مساجلة شعرية أدبية بين الشاعر مصطفى هاشم والاديبة القاصة أمل الشريف
بعنوان حلم

بقلم - أمــل الشريف
http://www.mrasina.com/Details.aspx?Badge=8282&Type=4

حلم قلبى
======
يا أهل الهوى .. ياعاشقين .. تعالوا ، قربوا ، واسمعوا .. هحكي ليكوا حلم جميل ..
يمسح دموع الحيرانين ..
صلوا بينا على النبى الكريم .. خير اللهم إجعله خير ..
قال ايه .. جانى من بعيد .. على حصان ابيض كبير .. اللى كنا بنحلم بيه واحنا صغيرين .. طبعا كلنا فاكرين ..
لا أعرفه ولا يعرفنى .. ولاكنت شوفته .. ولا حتى شاف رسمى ..
بس كنت لمحته مرة .. فى كلمة .. فى غنوة .. لعبد الحليم ..
شبك إيده فى إيدى .. هربت .. قال لى ماتخفيش .. وأخذنى من إيدى بحِنيّه ، وبإصرار حكيم ..
قال لى : غمضي عنيكى يا حبيبتى .. وحسي بيّا .. فــ قلبك شفت أحلامى .. حمام أبيض بيفرد في البحور قلبه ..دانا ياحبيبتى بحتجلك .. ولما تغيبى بشتقلك .. بحبك ليل وصبح جميل.. تعالى نروي الشوق بكام نظرة .. ده أنا العاشق لأحلامى وأحلامك ..
وهمس ليا : حسّانى ؟
وطار بيا على حصانه الأبيض هناك فى السما عالى ..
عقد لى النجوم .. وعلى قلبى الصغير لبسهانى .. وقال لى ياحبيبتى لاليلي لالي ..
ولما حس برعشة إديا .. غزلى بأحلامه شال حرير ابيض .. وبيه دفانى ..
وخدنى جنب القمر .. همسنا وغنينا ورقصنا .. لكل قلب عاشق .. رقصنا للقمر ..
إحساس رقيق حسيته فيه .. جت معاه نسمة ربيع مشتاقة .. حلفت لى إنى مش نايمة .. وباست راسى .. وراحت ماشية ..
باس كفى .. وحطه على جبينه .. وقال لى هنا جنتك وبستانك .. وقطف لى وردا حمرا .. شبكها على فستانى ..
ومد كفه على جبينى .. وقال لى هنا وطنى .. وكتب " أمل " برمشه .. ورفع علمى ..
وطبطب على قلبى الصغير ..
دمعه فرت من عنيا .. غصب عنى .. آه من الحنين ..
أخدنى فى حضنه وضمنى .. حضن أم مشتاقة لوليد ..
قال لى نامى يا حبيبتى .. وحصّنى بذكر الرحمن ويس ..
ولما صحيت .. حكيت حلمى .. لناس زيكم .. عاشقين ..
قالوا لى : دى رؤية من رب العالمين ..
يعنى ممكن يبقى فى الغيب حقيقة .. أكيد .. أكيد ..
قولوا معايا .. آمين ..

الرد من الشاعر مصطفى هاشم بعنوان حلم صديقتي

مساجلة شعرية بين الشاعر مصطفى هاشم والقاصة الأديبة أمل الشريف 226297_1940982478806_1069759003_2330214_6916948_n

مساجلة شعرية بين الشاعر مصطفى هاشم والقاصة الأديبة أمل الشريف 226297_1940982478806_1069759003_2330214_6916948_n

بقلم - مصطفى هاشم

( حلم صديقتي )

لما بنحلم , نحلم نحلم . حلم جميل ويفضل ذكرى

ونتمناه يتحقق بكرى

ويفضل حلمنا بين الواقع بين الذكرى أجمل ذكرى

حلم بنحلم فيه نتحب

اصل الدنيا بدون الحب . مش ممكن تستنى لبكرى .

حلم صديقتي حلم جميل . كان في ليلة جميلة وفيها نسمة

طرية هنية بهية زي الحلم

ويمكن أحلا .

لا لا لا الحلم كان أحلى .

فارس راكب فرسه الأبيض

حلمت شاب . وسيم وصغير . لا هوا طويل ولا حتى قصير

شكله يحير . لونه يحير

مش ابيض . و بجد مش اسمر

كان لابس ساعة كرستال

وملابسة كانت ابيض ف ابيض

نوكيا كان نوع الجوال . شافته فى ايده كان بيطقق

بصلها ابتسمت فى الحال . قال لحصانة كفاية هتعرق

قرب منها ولمس اديها . ضحكتله قال شكلى راح اغرق

بص ف عينها شاف احزان . اتمني يشوفها في الأروق

سرح فى بحر خياله ساعة . تتكلم ولا حطش منطق

انت يا انت وهوا فى عالم . غير العالم كان يتنطق

مرة يقول انها مجروحة . ومرة يفكر تفكير أعمق

أنت يا أنت أخيراً رد . وسألها عن الحزن الازرق

ليه في عيونك شايف حزن . وكلامك نبراته تمزق

همسلها همسة عشاق . تسمحي اني في بحرك أغرق

لمس اديها برقة وذوق . وقالها لونك ليه بيحمـــــر

ليه بتحاولى تداري الجرح . ليه تتظاهري بأنك أكبر

أصلى انا شايف حزنك واضح . مهما لبستي . أسود فاحمر

مهما حاولتي تداري الدمعة . عيونك بالدمعات بتمطر

ممكن احبك قد احزانك . وقد احزاني ويمكن اكتر

أنا متعود أشيل أحزان , واحزانى من حزنك أكبر

قطف الواد ورداية بسرعة . وعلقها فى فستانها الأحمر

قالها عاشق رقة قلبك . ردت بكرى الحب هيكبر

حطيت ادها في ايده ومشيوا , والفجر اذانه كان كبر

صحيت صحبتي تسأل فينه , فارس أحلامها المتغندر

» مساجلة مصطفى هاشم وكاظم الساهر حبيبتي والذئب
» الشاعر مصطفى هاشم في أسوان
» الشاعر مصطفى هاشم والإعلامية ضحى جبر
» الشاعر مصطفى هاشم في الأوبرا
» الشاعر مصطفى هاشم بجماعة النيل 2