مش هو ده نيلك . بقلم مصطفى هاشم

مش هوده نيلك

مش هي دي أرضك وسماكِ
ودي شمس نهارك ودا ليلك

مالك مش واقفة على بعضك
محــتارة وتيــــها في دليلك

قسموا أولادك إخـــــــــواني
وعلماني وقبطي وسلافينك

لا احترمي وجودى وجودك
أحبـــــــابك دول ولا كارهينك .؟
***
فوقي يا بلادي من السكرة
وافتكري تراثك وتاريخك

كلنا على أرضك أيد واحده
ودمائنا بتجري في وريدك

علمي أولادك يتــــــــربوا
ويربوا ولآدهم على دينك

مسلم في الجامع بيصلي
والقبطي يمجد ويسمي

واهو كلنا عايشين من خيرك
حتى اسألي نهرك ونخيلك

مش هو ده نيلك

كلنا على أرضك أيد واحده
مسلم ومسيحي عاشقينك

كلنا على أرضك أيد واحده
مسلم ومسيحي عاشقينك

» حلم حياتي . بقلم مصطفى هاشم
» بس ليه . بقلم مصطفى هاشم
» بنت ابوها - بقلم مصطفى هاشم
» كان مين يصدق - بقلم مصطفى هاشم
» أنا مش جبان . بقلم مصطفى هاشم