mostafa hashem
Admin
المساهمات : 106
تاريخ التسجيل : 15/12/2011
العمر : 47
 | | موضوع: عبد الله زعيم الثورة - بقلم الشاعر مصطفى هاشم الخميس يناير 12, 2012 7:58 pm | |
| 
عبد الله زعيم الثورة
------------------------------
كلمات - مصطفى هاشم
عبد الله أخيراً فاق
وعرفها طريقه منين
من 30 سنة كان عايش
متحرر بس سجين ؟
عبد الله يامه تغرب
من ليبيا لحد الصين
كان يفرح لما بيرجع
ويسافر تاني حزين
عبد الله ماكنشِ سفير
ولا كنشِ رجل أعمال
عبد الله ده راجل عادي
عامل وسط العمال
كان بيتغدي بربع
وعشاه بنص ريال
عبد الله دا أاااخر فقري
عرفه تاريخ الأجيال
********
إنسان حموله تقيلة
بيربي في كوم عيال
وحياته غربة في غربة
شهرين ويعود في الحال
يتغرب سنة وتنين
ولا حقق أي منال
*********
قرر عبد الله يعود
بإصرار وعزيمة ومروة
وقال حقي راح اخده أكيد
يا حكومة ولو بالقوة
ما عدتش حياتي حياة
سنة بره وشهرين جوى
عبد الله في التحرير
يصرخ والصوت في قوة
يعلن حربة على مبارك
عبدالله زعيم الثورة
*****
عبد الله صبح أسطورة
وأخباره بقت أنباء
تنشرها صحف العالم
وحديثه في كل قناة
والشعب احتاط عبدالله
تأيد وحب ولاء
يسقط يسقط حسني مبارك
نهب الدولة جمال وعلاء
قال مبارك شوفوا عبدالله
ايه طلباته وينهى الثورة
*****
في ميدان التحرير صرخاته
لمت كل الناس حواليه
مش ناقصين يا جمال أمريكا
تسأل سر حكايته ده أيه
روح له يا صفوت وأفهم منه
وشوف عبدالله بيطلب أيه
وتكلم بهدوء ومحنة
إوعى يا صفوت تغلط فيه
عبد الله ما بقاش عبد الله
ده كل العالم يسمع فيه
*****
رد جمال وقاله ياريس
سيبني أفكر وحدي انا ليه
مين عبد الله عشان يتنمرد
تلاتين سنة وانا سيد أهليه
بكره ميدانه هيبقى حريقة
وحياة أمي لولع فيـــــه
آده أوامره جمال لجِماله
شنوا هجوم بسرعة عليه
عايز الصبح أشوف عبد الله
أتفحم باللي حواليه
وده كان أمر جمال لكلابه
لكن أمر الله كان أيه .؟
حكم المولى يعيش عبدالله
ويحمى الثورة يا ناس بأيديه
*****
سقط مبارك ويا نظامه
وقال عبدالله أحكموا فيه
كل الشعب هتف عبدالله
هو زعيمنا وحكمنا ليه
قال عبد الله أنا أسف جداً
حكم الشعب ماليش أنا فيه
أدي ثورتكم وادي بلدكم
واختاروا بإحساسكم ليه
اللي يكون يستاهل يحكم
أعظم شعب يا ناس بإديه
واللي يكون فاهم مصادرنا
وعارف هو هيــعمل أيه
مش كل اللى بيعمل ثورة
يحكم شعب الله بأيديه
أنا عبد الله هعيش عبدالله
اللي غداه بربع جنيه
---------------------
عبدالله في القصيدة هو كل شاب مصري شارك في ثورة 25 يناير
شكرا لكم للمتابعة وأرجو أن تنال إعجابكم
تحياتي وحبي وتقديري لكم
مصطفى هاشم
..............
...........
.......
....
..
. [/size] | |
|
