أمل . بقلم مصطفى هاشم

أمل
.............
نظرتها فتانة
وعيونها نعسانة

حورية دي ولا
بجد إنسانة

عيونها فيها جمال
سبحانه مولانا

كحل الدلال دلال
في هواها دلانا

نظرتها ملهاش حل
حلل يا مولانا

عاشق أنا ولهان
ورموشها سحرانا

حورية دي ولا
غزالة سرحانا

ع الشط أنا واقف
مستني لما تفوت

لقيت السمك خايف
لتعدى بحره يموت

جمالها خلى الجبل
تتهز أركانه

الصخر حن ولان
والبحر غنى له

جات من بعيد تمشي
ع الشط ناس صفين

شافوا القمر ماشي
تعرفش جم من وين

الكل صابه الصمت
وجمالها ساحرهم

وأنا زيهم مسحور
لكني أفوقهم

قربت نحيتها
قربت أمل مني

فرح السمك في البحر
غار الصخر مني

والبحر هاج موجه
وكأنه مستني

وارتفعت أمواجه
خطف الأمل مني

غادر صحيح يا بحر
خيبت فيك ظني

كانت أمل ع الشط
وأنا كنت متهني

خطف البحر أملي
وأنا لسه مستني

» وتسالونى ..؟ بقلم مصطفى هاشم
» علميني . بقلم مصطفى هاشم
» با اسكندرية بقلم مصطفى هاشم
» انا وقلبي - بقلم مصطفى هاشم
» أمل جبار - بقلم مصطفى هاشم