في عيد ميلاد الرئيس بقلم مصطفى هاشم

في عيد ميلاد الرئيس
بقلم مصطفى هاشم
---------------------
كل عام وانت طيب
يا سيادة المخلوع مبارك

عيد ميلاد من غير شموع
ولا حتى طورطة ولا احتفال لك

ولا حد غنى هابي بايبب
ولا حد غيري جه وزارك

أنا بس جايلك أفكرك
يا سيادة المخلوع مبارك

30 سنة كنت أنت طيب
وإحنا تحرق فينا نارك

فاكر سيادتك أوامرك
كنا خدامك في دارك

كنا نسكت لما تحكي
وكنا شطرنج في مدارك

الشعب كان يتمنى ودك
وانت بتزيد في مرارك

نقولك الأسعار هرتنا
تضحك ولا كنشِ في بالك

الدولة منهوبة يا ريس
تسكت ويتكلم جمالك

مخصخصاتك خصـ؟خصونا
برضه ولا حرك خيالك

والنهردة شوف سيادتك
ولا حد منهم جه وزارك

المهم أنا جاي أقولك
تستاهل اللي كان جرالك

وكل عام وانت طيب
واحنا بعدك طيبين

صحيح فلولك لسه فينا
ولسه وضعنا مش أمين

بس قادرين نحمي ثورة
ولسه فيــــــــها متبتين

وبرغم انك كنت ناصح
معرفش وديت مالنا فين

بس هندور يا ريس
دا احنا برضه فلاحين

وحقنا هنعرف نجيبه
إن كان في سويسرا أو شبين؟

كل عام والصبر طيب
وإحنا شعب الصابرين

» أنا الرئيس المحتمل . بقلم مصطفى هاشم
» أمل . بقلم مصطفى هاشم
» بس ليه . بقلم مصطفى هاشم
» علميني . بقلم مصطفى هاشم
» كان مين يصدق - بقلم مصطفى هاشم