با اسكندرية بقلم مصطفى هاشم

يا اسكندرية - للشاعر مصطفى هاشم


يا اسكندرية



يا اسكندرية يا حبيبتي
أنا عندي ليكى كلمتين


كل عين ليها حبيبة
وانتي حبيبه لكل عيــن


يا حبيبتي اديكي عمري
وعندي ليكى كلمتين


كلمتين يا غالية يمكن
يكونوا أاااااخر كلمتين


حد ضامن يحيا بكرى
ولا مأمن يمشي فين


يا اسكندرية انا قلبي حبك
من يوم ما عرف الحب وين


وحيات محرم واسكندراني
وحيات غرامك والحنين


لمشي في شورعك زي تايه
ولا هوا عارف هوا مين


من الدعم إلى العوايد
و للعجمي هكتب صفحتين

قلبي عاشق فيك ومنك
هشتكيك انا للحسين


والنزهة فيها شفت اني
كأني عايش من سنين


في سموحة سكني وبيتي وامي
وفي محرم عشرة من سنين


دانا كنت هنسي يا حبي كله
دا أنا عندي ليكى كلمتين






كلمتين يا غالية يمكن
يكونوا أاااااخر كلمتين


حد ضامن يحيا بكري
ولا مأمن يمشي فين


كلمتين من كل قلبي
قلبي قالهم من سنين


بس خايف حد يعرف
هما ايه الكلمتين


تسمحيلي اخبي شوقي
واخبي أجمل كلمتين


خايف عليكى من عيونهم
كتير في زمنا الحاسدين


بس نفسي اقول حببيتي
دول بس هما كلمتين


كلمتين يا غالية يمكن
يكونوا أاااااخر كلمتين


حد ضامن يحيا بكري
ولا مأمن يمشي فين


تسمعيهم منى ولا
كفاية تفهمي انتي مين


انتي بالنسبالي حلم
وحب وشوق واجمل حنين


يا اسكندرية دانتي روحي
وكل عقلي وضي عين


كفاية ولا اقول حبيبتي
دا أنا عندي ليكى كلمتين


كلمتين يا غالية يمكن
يكونوا أاااااخر كلمتين
؟