mostafa hashem
Admin
المساهمات : 106
تاريخ التسجيل : 15/12/2011
العمر : 47
 | | موضوع: انا وقلبي - بقلم مصطفى هاشم الثلاثاء يناير 03, 2012 10:22 pm | |
| أنا وقلبي ؟حبيتها يا قلبي أوعي تخبي
أنا عارفك زين
لما تحب اتحب تتوه
بس يا قلبي تتوه مين
اعترف وقولي بصراحة
انت يا قلبي بتعشق فين
دق ودقاتك بسمعها
كل أذاني ليك صاغيين
وشوشني بدقاتك وشوش
قولي حبيبتك اسمها مين
اسمها ايه ؟ اسمها ايه
مش هتقولي اسمها مين
برضوا ياقلبي علي تخبي
حتى حبيبتك تسكن وين
مش راح اسامحك ولا اصالحك
وهسيبك في النار ليومين
تعرف ان الصدق ما بينا
بيريحنا احنا اللتنين
***
لو بتحب حقيقي يا قلبي
الحب أساس الإنسان
ليه بتخبي حقيقة حبك
شكلك فاكر غدر زمان
انا مغدرتش حبك أبداً
ولا هوا غدار ولا خان
بس حكاية حبنا كانت
قصة أمل بدون عنوان
أملك فيها كان مفقود
والـأمل المفقود بيبان
حرف الالف إنساه وتعالى
نبداء رحلة رائي وكان
نتشاور من تاني ياقلبي
بس تقولى فى أي مكان
اسمها مين وليه حبيتها
مش ودعنا الحب زمان
***
رد علي قلبي وقلي
ورقت صوته فيها حنان
اسمها أبيض أبيض أبيض
ديماً يطفوا على الألوان
اسمها كله موسيقة وفن
ينفع غنوة في كل أوان
إسمها إسمها مش راح أقولك
بس كفاية الوصف الكان
اصلي بخاف على اسمها منك
لحســن تعمل منه ديوان
أصل الشاعر زى مراية
وأمنتك وكشفته زمـــان
وبتسالني ليه حبيتها ؟
علشان بنت أكيد إنسان
ومربيها بطيبة وهيبة
محترمة وعنديها إيمان
عشان فيها اللي يكفيها
واللي يخلي فيا أمان
وإياك تسال مش راح أجوبك
مين هي وفي أي مكان
لحد ما تنطق هي بحبي
وسعتها أقولك . ويبان | |
|
